ЎҚИНГ БУ ҚИЗИҚ

Ўқинг бу қизиқ....

 Илк бор нашрдан чиқарилган китоб 1454 йилда Иоганн Гутенберг томонидан Германиянинг Майнц шаҳрида чоп этилган 42 қаторли инжилдир.

*  *  *

Ёзувчилар орасида машҳурларнинг машҳури номини бир неча ўн йиллардан бери Агата Кристи эгаллаб турибди. Адибанинг 78 та асари 44 тилга таржима қилиниб, 2 миллиард нусхада сотилган.

 *  *  *

Энг кўп сотиладиган китоб Инжил ҳисобланади. У 1815 йилдан то 1999 йилга қадар 3,88 миллиард нусхада сотилган. Энг машҳур китоблар рейтингида иккинчи ўрин “Гиннес” рекордлар китобига тегишли.

 

*  *  *

Дунёдаги энг катта луғат 1854 йилда Якоб ва Вильгельм Гриммлар томонидан ёзила бошлаган “Немис тили луғати” саналади. Луғат тузиш ишларини бошқа муаллифлар давом эттиришган ва бу жараён 1971 йилга келиб ўз поёнига етган. Луғат 34 519 саҳифани ўз ичига олган бўлиб, у 33 том тарзида нашрдан чиқарилган.

*  *  *

Энг кекса ёзувчилар – америкалик опа-сингиллар Сара ва Элизабет Дэлэнилар ҳисобланишади. 1994 йилда ушбу адибаларнинг “Опа-сингил Дэлэниларнинг кундалик тажрибалари” номли китоби чоп этилганда, уларнинг бири 103, иккинчиси эса 105 ёшни  қаршилаганди.

*  *  *

Дунёдаги энг узун сарлавҳа 1633 йилда Лондонда чиққан театр ҳақидаги танқидий китобга тааллуқлидир. 45 қатордан иборат бўлган сарлавҳа актёр ва режиссёрларга қаратилган ҳақоратлардан иборат эди.

 

Ш.Рашидов номидаги Жиззах вилоят Ахборот-кутубхона маркази

Манзили: Жиззах вилоят Жиззах шаҳри Х.Носиров кўчаси 12 уй.